Միջազգային ծխախոտային JT International (JTI) ընկերությունը որոշում է կայացրել Թբիլիսիում բացել ընկերության ներկայացուցչություն Կովկասի տարածաշրջանի համար:
JTI-ն արդեն 10 տարի աշխատում է Վրաստանում, և ընկերության բրենդների վաճառքի ծավալը հաստատուն աճի միտում ունի: Վրաստանի ծխախոտի շուկայի 23%-ը բաժին է ընկնում այս ընկերության արտադրանքին:
Անցած տարի 2009-ի համեմատ վաճառքի ծավալը աճել է 41.5%-ով: Օրինակ, ընկերության հայտնի բրենդներից Winston-ը աճեց 38%-ով, Camel-ը` 71%-ով:
Նշենք, որ 2010թ. հանդիսացավ առաջին տարին վերջին 10 տարվա մեջ, երբ Վրաստանում ծխախոտի շուկայում բոլոր խաղացողները ակցիզային հարկի տեսակետից աշխատեցին միանման պայմաններում:
Ընկերության` Բելառուսի գծով և արտահանման շուկաների տնօրեն Կոնստանտին Ֆեդորովը newsgeorgia.ru-ին տված հարցազրույցում նշել է, որ շուկայի օրինականացման 97-98% աստիճանով Վրաստանը գերազանցում է մի շարք Եվրոպական երկների:
Japan Tobacco-ն հիմնադրվել է 1898 թվականին: Այսօրվա JT International անունը նա ստացել է 1999 թվականին` RJR International-ը գնելուց հետո: 2007թ. ընկերությունը ձեռք բերեց Gallaher Group PLC-ը:
Վրաստան իր արտադրանքը ընկերությունը կներմուծի Ուկրաինայում գտնվող գործարանից: Վրաստանում վաճառվում է ընկերության Winston և Camel բրենդով ծխախոտները:
