ԱՄՆ Ռոդ Այլենդ նահանգի նահանգապետ Լինքոլն Չաֆին մայիսի 14-ին կարգադրել է նահանգի բոլոր պետական հաստատություններն այսուհետ ճանաչել միասեռ ամուսնությունների լիարժեք իրավական բնույթը:
Ինչպես հաղորդում է The New York Times-ը, ըստ այդ կարգադրության՝ այսուհետ հոմոսեքսուալ զույգերը գործնականում կստանաան նույն իրավունքները և պարտականությունները, ինչ որ հետերոսեքսուալները: Մասնավորապես դա կվերաբերի դժբախտ պատահարների դեպքում ապահովագրական վճարումներին. մահացածի զուգընկեր(ուհի)ն կարող է հավակնել ամուսնու համար ապահովագրական վճարի:
Մեկ տարի առաջ նահանգի օդենսդիր ժողովն այդպես էլ հավանության չարժանացրեց միասեռ ամուսնությունների լիարժեք օրինականացումը, սակայն մտցրեց «քաղաքացիական միություն» հասկացությունը հոմոսեքսուալների միջև:
Հիշեցնենք. մայիսի 9-ին միասեռ ամուսինների օրինականացման օգտին է հանդես եկել ԱՄՆ նախագահ Բարաք Օբաման:
