Դեմոկրատ սենատոր Ջոն Էդվարդսի գործը քննող դատավորը պաշտպանության վկային թույլ չի տվել ելույթ ունենալ դատավորների առաջ: Այս մասին հաղորդում է The New York Times-ը:
Դատավոր Քեթրին Իգլզը նման որոշում է կայացրել մայիսի 14-ին: Վկա Սկոտ Թոմասը` Դաշնային ընտրական հանձնաժողովի նախկին ղեկավարը, ծրագրում էր հայտարարել, որ նախկին սենատորը չի խախտել ընտրական օրենքը:
Թոմասը պետք է լիներ պաշտպանության առաջին վկան:
Դատավորը բացատրել է, որ օրենքների էությունը պետք է ինքը բացատրի և ոչ թե վկան: Դատավորները, նրա խոսքով, իրենք պետք է որոշեն` Էդվարդսը խախտե՞լ է օրենքը, թե՞ ոչ:
Էդվարդսը մեղադրվում է նախընտրական քարոզարշավի ֆինանսավորման մասին օրենքը խախտելու մեջ:
Ինչպես կարծում է հետաքննությունը, 2008 թ. նախկին սենատորը անօրինական ճանապարհով ստացել է շուրջ 1 միլիոն դոլար բարեգործություն իր նախընտրական հիմնադրամի համար, որն այնուհետև ծախսել է իր սիրուհու և ապօրինի երեխայի գոյության փաստը հասարակությունից թաքցնելու վրա:
Էդվարդսին մեղադրանք է առաջադրվել ընդհանուր առմամբ 6 կետով, այդ թվում` սուտ վկայություն տալու, անօրինական նվիրատվություն ստանալու ու հանցավոր համաձայնության գալու: Եթե նրա մեղքն ամբողջությամբ հաստատվի, ապա քաղաքական գործչին կսպառնա մինչև 30 տարվա ազատազրկում ու 1.5 միլիոն դոլար տուգանք: