Երեկ շվեյցարական Դավոսում ընթացող ամենամյա տնտեսական համաժողովի ժամանակ քննարկումների արդյունքում մասնակիցների մեծ մասը եկել է այն եզրակացության, որ Իրան կատարելիք հնարավոր ներխուժումից հետո Իսլամական Հանրապետության հակահարվածը կարող է աղետալի հետևանքների հանգեցնել: Այս մասին հաղորդում է Associated Press գործակալությունը:
Միաժամանակ նշվում է, որ համաշխարհային հանրությանը չի հաջողվել գտնել խաղաղ կարգավորման համար ձեռնտու տարբերակ, ինչը թույլ կտար Իրանին ստիպել հրաժարվելու միջուկային ծրագրից:
Այս մասին մասնավորապես նշել է ամերիկյան նախկին դիվանագետ Ռիչարդ Հաասը: Նրա կարծիքով, սակայն, «հարվածն Իրանին լուրջ քայլ է»:
Քննարկումներին մասնակցող Սաուդյան Արաբիայի թագաժառանգ արքայազն Թուրքի Ալ-Ֆայզալի խոսքերով, Միացյալ Նահանգներն ավելի շատ պետք է ճնշում գործադրի ոչ այնքան Իրանի վրա, որքան նրա տարածաշրջանային մրցակից Իսրայելի վրա:
Միայն Վաշինգտոնի ջանքերը, որոնք ուղղված կլինեն Իսրայելի կողմից իր սեփական միջուկային զենքի վերացմանը (թեպետ հրեական պետությունը հրաժարվում է ճանաչել, որ երկրում միջուկային զենք կա), խթան կհանդիսանա, որպեսզի Իրանը դիմի նույն քայլին:
