75 տարի առաջ այս օրը ծնվել է ԱՄՆ նախկին պետքարտուղար Մադլեն Օլբրայթը:
Մադլեն Քորբել Օլբրայթը (Մարիա Յանա Կորբելովա) ծնվել է 1937 թ. մայիսի 15-ին Պրահայում, չեխ դիվանագետ Յոզեֆ Քորբելի ընտանիքում:
Երբ լրանում է նրա 11 տարին, ընտանիքը գաղթում է ԱՄՆ, որտեղ նրա հայրը դառնում է Դենվերի համալսարանի պրոֆեսոր:
1959 թ. Օլբրայթը ստանում է բակալավրի աստիճան Ուեսլիի քոլեջում (Մասաչուսեթսի նահանգ): Ավարտել է Կոլումբիայի համալսարանը, 1968 թ. ստացել է միջազգային հարաբերությունների մագիստրոսի աստիճանի, 1974-ին` փիլիսոփայության դոկտորի աստիճան: Մասնագիտացել է խորհրդային հետազոտություններում:
Քաղաքական գործունեությունը Օլբյարթը սկսել է Դեմոկրատական կուսակցության կազմում` որպես ակտիվիստ, 1972-ին մտել է սենատոր Էդմունդ Մասկիի թիմ ու ավելի ուշ դարձել նրա օգնականը:
1978 թ. նշանակվել է Ջիմի Քարտերին կից ազգային անվտանգության խորհրդի անդամ՝ որպես հասարակայության հետ կապերի պատասխանատու:
Ղեկավար պաշտոններ է զբաղեցրել մի քանի վերլուծական կենտրոններում, նախագահի ադմինիստրացիայում:
1992 թ. ԱՄՆ նախագահ Բիլ Քլինթոնն Օլբրայթին նշանակում է ՄԱԿ-ում ԱՄՆ մշտական ներկայացուցիչ։ 1997 թ. նա նշանակվում է Քլինթոնի ադմինիստրացիայի պետքարտուղար և դառնում ամերիկյան կառավարությունում այս պաշտոնում առաջին կին ղեկավարը: Այդ պաշտոնը նա զբաղեցրել է մինչև 2001 թ.:
Որպես պետքարտուղար` Օլբրայթը հայտնի է արտաքին քաղաքականության խնդիրների նկատմամբ կոշտ դիրքորոշմամբ:
Դիվանագիտական աշխատանքից հեռանալուց հետո Օլբրայթը հիմնադրել ու ղեկավարել է երկու մասնավոր ընկերություն` The Albright Group խորհրդատվական և Albright Capital Management ներդրումային ընկերությունները:
Տիրապետում է չեխերենին, ֆրանսերենին, ռուսերենին, լեհերենին:
2012 թ. նա արժանացավ ԱՄՆ բարձրագույն պարգևին` նախագահական Ազատության մեդալին:
1959 թ. նա ամուսնացել է լրագրող Ջո Օլբրայթի հետ, ունի 3 դուստր: Զույգը բաժանվել է 1983 թ.: Այս մասին տեղեկացնում է RIA Novosti գործակալությունը:
