ԱՄՆ Գերագույն դատարանը հրաժարվել է քննել Պուերտո Ռիկոյի բնակիչների հայցը, որոնք պահանջում են ԱՄՆ Կոնգրեսում իրենց ներկայացուցչին ձայնի իրավունք տալ:
Ինչպես հաղորդում է Associated Press-ը, նման որոշում դատարանը կայացրել է մայիսի 14-ին: Ավելի վաղ հայցը մերժվել էր դաշնային և վերաքննիչ դատարանների կողմից: Վերաքննիչ դատարանը բացատրել էր, որ Պուերտո Ռիկոն չի կարող ձայնի իրավունքով ներկայացուցիչ ունենալ Կոնգրեսում, քանի որ այն ԱՄՆ նահանգ չէ:
Հայց ներկայացրած փաստաբան Գրետգորիո Իգարտուան ավելի վաղ փորձում էր հասնել այն բանին, որ Պուերտ Ռիկոյի բնակիչներին ԱՄՆ նախագահի ընտրություններում քվեարկության իրավունք տրվի:
Պուերտո Ռիկոն ձևականորեն համարվում է «ասոցացված ազատ պետություն»: Նրա բնակիչներն ունեն ԱՄՆ քաղաքացիություն, սակայն դաշնային եկամտահարկ չեն վճարում: Նախագահական ընտրություններում նրանք քվեարկելու իրավունք չունեն, սակայն մասնակցում են պրայմերիզներին: ԱՄՆ Կոնգրեսի Ներկայացուցիչների պալատում Պուերտո Ռիկոյի պատվիրակին ներկայացնում են այդ տարածքի բնակիչները և ընտրում են 4 տարին մեկ անգամ: Նա կարող է աշխատել հանձնաժողովներում կոնգրեսականի իրավունքներով, սակայն վերջնական քվեարկությանը մասնակցություն չի ունենում: Պուերտո Ռիկոն սենատոր չունի: