1918թ. այս օրը Մաքրավանք (այժմ` Հրազդան քաղաքի շրջագծում) գյուղում ծնվեց հայ բանաստեղծ, թարգմանիչ, ԽՍՀՄ գրողների միության անդամ (1969-ից) Երջանիկ Առաքելյանը:
1935-ին ավարտել է Երևանի մանկավարժական ուսումնարանը, 1937-ին` ՀԼԿԵՄ Կենտկոմին առընթեր կոմերիտական աշխատողների երկամյա դասընթացը։ 1938-ին աշխատել է Հրազդանի «Լենինյան դրոշով» թերթի խմբագրությունում որպես բաժնի վարիչ։
1939-1946թթ. ծառայել է խորհրդային բանակում, մասնակցել Հայրենական մեծ պատերազմին։ 1956-1958-թթ. որպես ապրանքագետ աշխատել է Երևանի մետաղյա իրերի և թիթեղյա գլանման գործարանում, 1959-1962թթ.` «Պիոներ» ամսագրի խմբագրությունում որպես գրական աշխատող, 1962-1968-ին` Հայաստանի ժողովրդական ստեղծագործության հանրապետական տանը որպես բանահյուսության բաժնի վարիչ։
Մահացել է 1981թ. օգոստոսի 4-ին Երևանում, թաղվել Ծաղկաձոր քաղաքում։