Երեկ համացանցում հայտնվել են Facebook-ի հիմնադրի էջը կոտրելու ապացույցները:
Մենք արդեն տեղեկացրել էինք, որ Facebook-ի հիմնադիր Մարկ Ցուկերբերգի սոցիալական ցանցի անձնական էջը չի կարողացել դիմակայել հաքերներին:
Հաղորդագրությունը, որը թողել էին հաքերները, մեջբերվել է Facebook-ի օգտատերերի, ինչպես նաև լրատվամիջոցների կողմից և արժանացել համարյա երկու հազար «լայքի»:
«Առավելություն տանք հաքերներին. եթե Facebook-ին գումար է պետք, բանկերին դիմելու փոխարեն, ինչո՞ւ թույլ չտալ ներդրումներ Facebook-ում: Ինչու Facebook-ը չձևափոխել և դարձնել «սոցիալական բիզնես»», – գրել են հաքերները:
Ինչպես հիշեցնում է Interfax գործակալությունը, վերջին շրջանում ավելացել է Facebook-ի հայտնի օգտատերերի էջերը կոտրելու քանակը: Մասնավորապես, անցյալ երկուշաբթի օրը հաքերական հարձակման է ենթարկվել Ֆրանսիայի նախագահ Նիկոլա Սարկոզիի էջը:
