ԱՄՆ-ը կրճատում է իրաքյան ոստիկանության ուուցման համար տրամադրվող միջոցները, իսկ տարվա վերջին կարող են ամբողջությամբ դադարեցնել այդ ծրագրի ֆինանսավորումը: Այս մասին հաղորդում է The New York Times-ը:
Պարբերականի տվյալներով՝ ամերիկացի հրահանգիչների թիվն արդեն կրճատվել է՝ 350-ից հասնելով 100-ի: Ուսումնասիրվում է նրանց թիվը մինչև 50-ի հասցնելու հավանականությունը: Փորձագետնտերի և ԱՄՆ պետդեպարտամենտի որոշ ներկայացուցիչների խոսքերով՝ մինչև 2012 թ. վերջը բոլոր հրահանգիչները հետ կկանչվեն:
ԱՄՆ պետքարտուղարի տեղակալ Թոմաս Նիդսը հայտարարել է, որ ծրագրի ծավալների կրճատումը Իրաքում ամերիկյան դեսպանատան անձնակազմի կրճատման ծրագի մի մասն է (այժմ այնտեղ, թերթի տվյալներով, կա 12 հազար ամերիկացի):
Բաղդադում ԱՄՆ դեսպանատան ներկայացուցիչը, ինչպես հաղորդում է Associated Press-ը, հերքել է այն տեղեկությունը, թե ԱՄՆ-ն կարող է ամբողջությամբ հրաժարավել իրաքյան ոստիկանության ուսուցման ծրագրից:
Ծրագիրը մեկնարկել է 2011 թ. հոկտեմբերին, դրա վրա արդեն ծախսվել է 500 մլն դոլար (միջոցները ծախսվել են հիմնականում ուսումնական հաստատությունների շինարարության վրա):
Անցյալ ամիս Իրաքի ոստիկանությունը հրաժարվեց այդ դասընթացներին մասնակցությունից, քանի որ, ըստ նրա, դրանք օգտակար չեն: Իրաքի ՆԳՆ-ն իր հերթին կասկածի տակ է դրել այդքան թանկ ծրագրի նպատակահարմարությունը, մանավանդ որ, իրենք նման բան չեն խնդրել:
2003 թվից ի վեր իրաքյան ոստիկանության ուսուցման վրա ԱՄՆ ոստիկանությունը ծախսել է շուրջ 8 մլրդ դոլար: