ԱՄՆ-ում քաղցկեղի վերջին փուլում գտնվող իննամյա երեխան դադարեցրել է բուժումը, որպեսզի վիրահատության համար նախատեսված գումարն ուղարկի բարեգործության:
Ինչպես հաղորդում LifeNews-ը, Միչիգան նահանգի Քլարքսթոն քաղաքում 9-ամյա Ռայան Քենեդին, որի մոտ 2007թ. հայտնաբերվել էր ուղեղի քաղցկեղ, լուրջ քայլի է դիմել. երեխան որոշել է ավելի վաղ մահանալ և վիրահատության համար նախատեսված գումարը հանգանակել օնկոլոգիական հիվանդություններով հիվանդ երեխաներին:
150 հազար դոլար արժողությամբ գումարը, որը հանգանակվել էր մարդկանց կողմից նրա վիրահատության համար, նա ամբոջությամբ կհանգանակի իր պես հիվադ երեխաներին:
Clarkston Healthcare Center հիվանդանոցի բժիշկների խոսքերով՝ Ռայանի օրգանիզմում հայտանբերվել է կենտրոնական նյարդային համակարգի ուռուցք: Նրանք հայտնել են, որ ուռուցքը մեծանում է մեծ արագությամբ և երեխային շատ քիչ կյանք է մնացել:
5 տարվա ընթացքում Ռայանը 9 բարդ վիրահատություն է տարել և 4 տեսակի քիմիոթերապիայի ենթարկվել:
«Այս բոլոր տարիներին իմ որդին իրեն խիզախաբար է պահել,- ամերիկյան մամուլին պատմել է երեխայը մայրը,- սակայն մի օր Ռայանը որոշեց նման լուրջ որոշում կայացնել. նա հրաժարվեց բժշկական օգնությունից՝ հօգուտ մյուս երեխաների»:
Նա պատմել է, որ Ռայանի հիվանդության տարիներին իրենց հաջողվել է մեծ քանակությամբ գումար հավաքել սոցիալական ցանցերի միջոցով: Ավելի ուշ պարզվել է, որ երեխային առաջինն օգնության ձեռք են մեկնել նրա համադասարանցիները: Հենց նրանք էլ սկսել են բարեգործական հանգանակություններ կազմակերպել:
«Ես գիտեմ, որ չեմ հասնի մայիսի 24-ին իմ տասնամյակին,- ասում է Ռայանը,- ուստի ես հրաժարվում եմ բուժումից՝ հանուն ուրիշների: Իմ վերջին երազանքն է, որ իմ առողջության վերականգնման համար նախատեսված բոլոր դրամական միջոցներն ուղարկվեն օնկոլոգիական հիվանդություններով տառապող մյուս երեխաներին»:
Ռայանի հարազատները հայտնել են, որ նա շատ հպարտ է, որ կկարողանա փրկել ինչ- որ մեկի կյանքը: Իր կյանքի վերջին օրերը Ռայանը որոշել է անցկացնել այլ հիվանդ երեխաների շրջապատում:
