Սան Դիեգոյում սպանվել է աֆրոմաերիկացի բայքերների Black Sabbath ակումբի տեղի մասնաճյուղի առաջնորդ Քլայդ Թոմփսոնը: Այս մասին հաղորդում է Associated Press-ը:
Սպանությունը տեղի է ունեցել մայիսի 11-ին Black Sabbath ակումբի շենքի մոտ: Կրակոցներն արձակվել են շենքի կողքով անցնող ամենագնացից, սևամորթ մի երիտասարդի կողմից: Կասկածյալն առայժմ ձերբակալված չէ: Հանցագործության հնարավոր դրդապատճառների մասին չի հաղորդվում:
Wild Dogg (Վայրի շուն ) մականունով 51-ամյա Թոմփսոնը Black Sabbath-ի Սան Դիեգոյի մանսաճյուղի առաջնորդ էր դարձել 2011 թ.:
Black Sabbath բայքերական ակումբը հիմվել է 1972 թ. աֆրոամերիկացիների մի ընտանիքի կողմից, որոնք կիրակի օրերին զբոսնում էին մոտոցիկլետով: 17 մասնաճյուղ ունեցող կազմակերպության գլխավոր ակումբը գտնվում է Ատլանտայում:
