Միացյալ Նահանգների պետքարտուղար Հիլարի Քլինթոնը հենց նոր հանդես է եկել ելույթով` նվիրված Եգիպտոսի դեպքերին: Նա ասել է, որ անթույլատրելի է այն բռնությունները, որ տեղի են ունենում Եգիպտոսի տարբեր քաղաքներում:
Քլինթոնը իշխանություններին կոչ է արել հարգել քաղաքացիների` խաղաղ հանրահավաքներ անցկացնելու իրավունքը: Նա նաև կոչ է արել վերացնել այն լրատվական շրջափակումը, որ առաջացել է ինտերնետի և հեռախոսային կապի արգելափակման արդյունքում:
Այս ամենի պատճառն, ըստ Քլինթոնի, այն անջրպետը, որն առաջացել է իշխանությունների և ժողովրդի միջև: Նա կոչ է արել կառավարությանը անցկացնել բարեփոխումներ` այս իրավիճակը բարելավելու համար:
Նա նաև հայտարարել է, որ իշխանությունները պետք է հասկանան, որ բռնություններն անընդունելի են:
Պետք է ասել, որ ԱՄՆ իշխանությունների համար հիմա ստեղծվել է մի շատ բարդ իրավիճակ, երբ նրանք չգիտեն, թե ինչպես գործեն մեկը մյուս հաջորդող հեղափոխությունների ֆոնի վրա, քանի որ նրանց համար անհասկանալի է, թե ովքեր են գալու իշխանության այս երկրներում:
Իրականությունն այն է, որ այս փոփոխություններն ուղղորդվում են ոչ թե կոնկրետ քաղաքական ընդդիմադիր ուժերի, այլ սովորական քաղաքացիների կողմից:
