ԱՄՆ բժիշկների հասարակական կոմիտեն Սպիտակ տուն միջնորդություն է ներկայացրել` խնդրելով հատուկ հրաման արձակել, որը կարգելի այն լուսանկարների և տեսանյութերի հրապարակումը, որտեղ երկրի նախագահը, փոխնախագահը կամ նախագայհի կաբինետի անդամները օգտագործում են անառողջ սնունդ:
Ինչպես հաղորդում է MIGnews-ը, ԱՄՆ նախագահն ու նրա ընտանիքի անդամները ուտում են անառողջ սնունդ:
Հաղորդվում է, որ կազմակերպության բաժիններից մեկի տնօրեն Սյուզան Լևինը զարմանք է հայտնել, որ եթե Սպիտակ տունը երբեք չի ցուցադրում լուսանկար, թե ինչպես է նախագահը գնում ծխախոտ, ապա ինչու է նորմալ համարվում այն, երբ նախագահը լուսանկարում պատկերված է հոթ-դոգը ձեռքին:
«Հոթ-դոգերի մշակված միսը, օրինակ, տարեկան սպանում է ավելի շատ թվով ամերիկացիների, քան ծխախոտը, և դա հարկատուներին արժենում է միլիարդավոր դոլարներ: Նախագահը պատասխանատվություն է կրում իր հրապարակավ գործողությունների համար»,- ընդգծել է Լևինը:
Նա հավելել է, որ Օբամայի նախագահության շրջանում ԶԼՄ-ներում հաճախ են ցուցադրվում լուսանկարներ, որոնցում ԱՄՆ նախագահը համբուրգերներ ու հոթ-դոգեր է ուտում հասարակական վայրերում:
Համաձայն որոշ տվյալների` վերջին 30 տարում աշխարհում չափից ավելի գեր մարդկանց թիվը կրկնակի շատացել է:
