Facebook սոցիալական ցանցի հիմնադիրներից Էդուարդո Սավերինը հրաժարվել է ԱՄՆ քաղաքացիությունից: Ինչպես հաղորդում է The Washington Post-ը, նա որոշել է դառնալ Սինգապուրի քաղաքացի: ԶԼՄ-ների տվյալներով՝ նա արդեն ապրում է Սինգապուրում:
Սավերինի մամուլի քարտուղար Թոմ Գուդմանի խոսքերով՝ նա նման որոշում է կայացրել մասամբ գործնական նկատառումներից ելնելով. ի թիվս այլ ընկերությունների՝ Սավերինը ներդրումներ է կատարել ասիական ընկերություններում: Մամուլի գնահատականներով՝ 30-ամյա Սավերինին է պատկանում ընկերության 4-5%-ը:
Սավերինը ծնվել է Բրազիլիայում և ԱՄՆ է տեղափոխվել 1992թ.: ԱՄՆ քաղաքացիություն ձեռք է բերել 1998թ.: