Աշխարհում մեծությամբ երրորդ ավտոարտադրող Volkswagen-ը կարող է վերականգնել ԱՄՆ-ում Scirocco և Phaeton մոդելների վաճառքը` ԱՄՆ շուկայում իր դիրքը 3 անգամ մեծացնելու նպատակով: Ինչպես հաղորդում է Bloomberg-ը, Volkswagen ընկերությունը դադարեցրել էր Phaeton-ի վաճառքը Հյուսիսային Ամերիկայում 2006 թ.-ին` վնասներով աշխատելու պատճառով: Phaeton-ը վաճառքի ծրագրված ցուցանիշը` տարեկան 20 հազար հատ, չէր կատարել: Scirocco մոդելը ԱՄՆ-ում չէր վաճառվում 1992 թ.-ից սկսած: Գերմանական Volkswagen ընկերության նպատակն է 2018 թ. հասնել վաճառքի տարեկան 1 միլիոն ծավալի` գերազանցելու համար ամենամեծ ավտոարտադրողներին`Toyota-ին և General Motors-ին:
