Ամբողջ աշխարհի ընկերությունները բախվել են «իդեալական գրոհի», քանի որ նրանք ստիված են ներդնել ավելի քան 28 տրլն ֆունտ սթեռլինգ՝ պարտքերի սպասվող ալիքը ֆինանսավորելու համար: Նման կանխատեսումներ են արել Standard & Poor’s միջազգային վարկանիշային գործակալության վերլուծաբանները:
Փորձագետների տվյալներով՝ ձեռնարկւոթյուները ստիպված են ներդնել 28.5 տրլն ֆունտ ստեռլինգ՝ ռեցեսիայից խուսափելու համար: Մանսավորապես բրիտանական ընկերություններից կպահանջվի շուրջ 220-268 մլրդ ֆունտ սթեռլինգ՝ պարտքերի վերաֆինանսավորման համար, գրում է The Telegraph-ը:
Անհրաժեշտ վերաֆինանսավորման ծավալներն ընկերությունների նոր պարտքերի հետ կարող են ստեղծել այն, ինչ S&P-ն նկարագրում է որպես «իդեալական գրոհ՝ վարկային շուկաների վրա»:
«Կառավարությունը և բանկային ռեգուլյատորներն այս պահին չունեն բոլոր հնարավորությունները «փոթորիկի իդեալական սցենարներին» դիմակայելու համար՝ հաշվի առնելով, որ արդեն ծախսել են վերջին տարիներին առաջացող խնդիրները մեղմացնելու համար իրենց ֆիսկալ և դրամային զինանոցի մեծ մասը»,- ասվում է զեկույցում:
Նշվում է, որ բրիտանական բանկերի բալանսը վերջին 3 տարիներին կտրուկ նվազել է, իսկ նրանց կողմից վարկ վերցված կապիտալի ծավալը պոտենցիալ վնասների պատճառով եռապատկվել է:
SwissInvest-ի վերլուծաբան Էնթոնի Փիթերսն առաջիկա տարիների համար կանխատեսում է ընկերությունների վերաֆինանսավորման համար հնարավոր «գումարի պակաս»:
«Երկիր մոլորակի վրա ձևավորվել է գումարի պակաս՝ ամեն ինչ ֆինանսավորելու համար: Մենք ապրում ենք վարկով վերցրած գումարներով, և դրանից խուսափելու համար ոչ մի միջոց չկա»,-ասել է նա:
Երկրների կողմից իրենց պարտքերը ֆինանսավորելու ունակության հարցում մտավախությունները հանգեցրել են նրան, որ փոխառության ծախսերը սկսել են զգալիորեն աճել: Այս շաբաթ իսպանական տասնամյա վաղեմության պարտատոմսերի եկամտաբերությունը հասել է վտանգավոր՝ ավելի քան 6 %-ի։
S&P-ն նշում է, որ դա կարող է լինել առավել զգալի վարկային ճգնաժամի միայն սկիզբը:
