Լոս Անջելեսի քաղաքային խորհուրդը հայերենը պետք է ավելացնի ընտրական լեզուների ցանկի մեջ, որպեսզի քաղաքի ավելի քան 30 հազար հայերը կարողանան քվեարկել իրենց մայրենի լեզվով: Այս մասին գրում է «Նոր Յառաջ» պարբերականը:
Եթե ամեն ինչ ընթանա նախատեսված կարգի համաձայն, ապա հայերենը քվեաթերթիկների վրա պետք է հայտնվի Լոս Անջելեսի 2013թ. ընտրությունների ժամանակ:
Նշենք, որ Գլենդելում, որտեղ հայ ազգաբնակչության թիվն ավելի մեծ է, այս կարգադրությունն արդեն գործի է դրված: