Գուանտանամոյի բանտարկյալները որոշել են չենթարկվել բանտի անձնակազմին: Նրանք հրաժարվել են ցերեկային զբոսանքից հետո վերադառնալ իրենց խցերը և գիշերել են բաց երկնքի տակ: Ըստ Associated Press գործակալության՝ «խռովությունները» սկսվել են երկու շաբաթ առաջ թիվ 5 և 6 բաժիններում:
Տեղեկացնենք, որ Գուանտանամո բանտը գտնվում է Կուբայում: Այն վարձվել է ԱՄն կողմից` ահաբեկչության մեջ մեղադրվող գրոհայիններին այնտեղ պահելու համար:
Այս պահին բանտում կա 170 բանտարկյալ:
Նախընտրական շրջանում նախագահ Օբաման հայտարարել էր, որ փակելու է հիշյալ բանտը, քանի որ հայտնի են այնտեղ մարդու իրավունքների խախտման բազմաթիվ դեպքեր: Բացի այդ, ահաբեկիչներին այստեղ պահելը հակասում է և՛ ամերիկյան, և՛ միջազգային օրենսդրությանը:
Սակայն մինչ օրս Օբաման այդ խոստումը չի կատարել: