Մայիսի 9-ին «Հաղթանակ» զբոսայգի են եկել ՀՀ վարչապետ Տիգրան Սարգսյանը, ԱԺ նախագահ Սամվել Նիկոյանը, ՊՆ գլխավոր շտաբի պետ, գեներալ գնդապետ Յուրի Խաչատուրովը և նաև հոգևոր դասը՝ Նավասարդ արքեպիսկոպոս Կճոյանի գլխավորությամբ:
Իր ելույթի ժամանակ վարչապետը շնորհավորեց բոլորին մայիսի 9-ի կապակցությամբ. «Ես բոլորիս շնորհավորում եմ այս օրվա կապակցությամբ, հատկապես՝ մեր վետերաններին: Մաղթում եմ նրանց առողջություն և երկար կյանք: Քանի որ եթե նրանք մեր կողքին են, մենք ավելի ամուր կլինենք և լավ տրամադրությամբ կնայենք դեպի վառ ապագան»:
Քաղաքական թեմայով լրագրողների հարցերին վարչապետը պատասխանեց հետևյալ կերպ. «Նստեք մեզ հետ կողքի սեղանին՝ որպես հայ մարդ, չէ՞ որ ձեր մեջ էլ կան հայրենասիրական զգացումները: Միասին տոնենք այս օրը: Ձեր երեխաները այս օրը շատ են սիրում: Ճիշտ է, դեռ լավ չեն հասկանում, թե ինչ հաղթանակներ են, բայց կարևորը տոնական տրամադրությունն է»:
Նշենք, որ այսօր լրանում է Հայրենական մեծ պատերազմում հաղթանակի 67-րդ, Շուշիի ազատագրման 20 տարին, նաև Ղարաբաղի պաշտպանության բանակի հիմնադրաման օրն է:
