Վրաստանի արտաքին առևտրաշրջանառության ծավալը, 2009 թ. համեմատ, 2010 թ. աճել է 21%-ով` կազմելով մոտ 7.5 մլրդ դոլար: Այս մասին ասվում է Վրաստանի ազգային վիճակագրական ծառայության երեկվա հրապարակման մեջ: Ադրբեջանի արտաքին առևտրաշրջանառության ծավալը, ըստ Ադրբեջանի տնտեսական զարգացման նախարարության տվյալների, 2010 թ. աճել է 34.1%-ով` կազմելով մոտ 27.8 մլրդ դոլար: Հայաստանի արտաքին առևտրաշարջանառությունը նույն ժամանակահատվածում, ըստ մեր Ազգային վիճակագրական ծառայության, Վրաստանի ու Ադրբեջանի համեմատ ամենաքիչն է աճել` 12.1%:
Ադրբեջանի արտահանումը նշված ժամանակահատվածում մեծացել է 45.1%-ով, Վրաստանի արտահանումը՝ 40%-ով, իսկ Հայաստանի արտահանումը` 42.4%-ով: Ադրբեջանի արտահանման ծավալները 2010 թ. կազմել են 21 մլրդ 321 մլն դոլար, Վրաստանի արտահանման ծավալները` 1 մլրդ 583 մլն դոլար, Հայաստանի արտահանման ծավալները` 1 մլրդ 11 մլն դոլար: Նույն ժամանակահատվածում Ադրբեջանի ներմուծման ծավալները 2010 թ. աճել են 7.8%-ով` կազմելով մոտ 6.5 մլրդ դոլար, Վրաստանի ներմուծման ծավալները աճել են 17%-ով` կազմելով մոտ 6 մլրդ դոլար, իսկ Հայաստանի ներմուծման ծավալները աճել են 13.9%-ով` կազմելով մոտ 3.8 մլրդ դոլար: