Esquire հայտնի ամսագիրը կազմել է այն իրավախախտումների ցուցակը, որոնք Պուտինը կատարել է տարիներ շարունակ տարբեր պաշտոններ զբաղեցնելիս:
Ամսագիրը մասնավորապես գրում է, որ նա 1997 թ., երբ զբաղեցնում էր ՌԴ նախագահի վերահսկողական ծառայության ղեկավարի պաշտոնը, վրաերթի է ենթարկել 5-ամյա մի երեխայի:
Բացի այդ, երեք անգամ խախտել է ճանապարհային երթևեկության կանոնները` երկու անգամ նախագահի և մեկ անգամ վարչապետի պաշտոնում: Երկու անգամ չի կապել ամրագոտին, ինչպես նաև մեկ անգամ սաղավարտ չի հագել մոտոցիկլետ վարելիս:
Esquire-ը նաև գրում է, որ Գերմանիայում աշխատելու ժամանակ այցելել է էրոտիկ շոու, ինչն անթույլատրելի էր ԽՍՀՄ կոմունիստական կուսակցության կանոններով:
Ամսագիրը նաև հիշեցնում է, որ 2001 թ. Պուտինը ստորագրել է օրենք, որի համաձայն` երկրի նախագահը չի կարող պատասխանատվության ենթարկվել պաշտոնավարման ընթացքում կատարած վարչական և քրեական օրինախախտումների համար: