Ինչպես արդեն տեղեկացրել էինք, հունվարի 26-ին «Դինամո» մարզադահլիճում մեկնարկեց Հայաստանի ըմբշամարտի առաջնությունը: Առաջին օրը գորգ դուրս եկան ազատ ոճի ըմբիշները: 55 կգ քաշային կարգի եզրափակիչում Միհրան Ջաբուրյանը պարտության մատնեց Գեղամ Բաբախանյանին և հռչակվեց Հայաստանի չեմպիոն: Բրոնզե մեդալների արժանացան Օհան Գիքինյանը և Երվանդ Թադևոսյանը: Մեդալներ խաղարկվեցին նաև 74, 84 և 120 կգ քաշային կարգերում: 74 կգ քաշայինների պայքարում հաղթող ճանաչվեց Մուսա Մուրթազալիևը, որը եզրափակիչում հաղթեց Սուրեն Մարկոսյանին: Վարուժան Կոջոյանն ու Հայկ Կարապետյանն արժանացան բրոնզե մեդալների: 84 կգ քաշային կարգի եզրափակիչում նույնպես հաղթող ճանաչվեց ոչ հայկական ազգանունով ըմբիշ` Հաջիմուրադ Մագոմեդովը. նա եզրափակիչում պարտության մատնեց Վադիմ Լալիևին: Պատվո պատվանդանի երրորդ աստիճանին բարձրացան Ռոբերտ Լենդրուշյանն ու Աշոտ Աշոտյանը: Նույն պատկերն էր նաև 120 կգ քաշայինների պայքարում. Ռուսլան Բասիևը եզրափակիչում հաղթեց երիտասարդ ըմբիշ Հարություն Դիլբարյանին և հռչակվեց Հայաստանի չեմպիոն: Բրոնզե մեդալներին արժանացան Արման Գուլյանը և Համլետ Աբրահամյանը: