Նյու Յորքի բնակիչներից շատերը չգիտեն, որ մեգապոլիսի բազմահարկ շենքերի տանիքներին թաքնված աշխարհ կա: Դրանք իրենցից ներկայացնում են գեղեցիկ կանաչ պուրակներ, աբստրակտ խճապատկերներ, հանգստի գոտիներ, որտեղ կան ռեստորաններ, լողավազաններ և թենիսի կորտեր:
Նյու Յորքի շենքերի տանիքները կանաչապատվել են քաղաքապետ Բլումբերգի նախաձեռնությամբ: Քաղաքի օազիսներն աշխարհի համար բացահայտել է օդաչու-լուսանկարիչ Ալեքս Մաքլինը:
Մաքլինն օդանավ վարել սովորել է 17 տարեկանում, երբ դեռ Հարվարդի համալսարանում ճարտարապետության ֆակուլտետի ուսանող էր: Այնուհետև նա սկսել է լուսանկարել բնապատկերներն ու քաղաքների շինությունները: 6000 ժամ թռիչքի արդյունքում նա աէրոլուսանկարչությանը նվիրված 10 գիրք է լույս ընծայել:
