Դերեկ Չիսորայի պրոմոութեր Ֆրենկ Ուորենը իր հաճախորդի և Դևիդ Հեյի միջև մենամարտ կազմակերպելու ցանկություն է հայտնել: Ուորենը որոշել է հաշվի չառնել այն փաստը, որ Վիտալի Կլիչկոյի դեմ մենամարտում գռեհիկ պահվածքի և մամուլի ասուլիսի ժամանակ Հեյի հետ ունեցած միջադեպի պատճառով Բրիտանական խորհուրդը անժամկետ զրկել է Չիսորային լիցենզիայից:
«Ես տեսնում եմ այդ մենամարտը: Եվ այն բռնցքամարտիկների միջև ծագած խնդիրները հարթելու միակ միջոցն է»,- հայտնել է Ուորենը:
Ըստ լրատվական աղբյուրների տեղեկատվության` պրոմոութերը նախատեսում է կազմակերպել հակամարտությունը ընթացիկ տարվա հուլիսի 1-ին կամ 14-ին՝ անգլիական ֆուտբոլային ակումբներից մեկի մարզադաշտում:
Հիշեցնենք նաև, որ Դևիդ Հեյի հետ մենամարտելու ցանկություն է հայտնել Վիտալի Կլիչկոն, ով պատրաստվում է ավարտել իր մարզական կարիերան:
