Կուբայում հունվարի 26-ին ձերբակալվել է Գիլերմո Ֆարինյասը, որը 2010 թ. ստացել էր Եվրախորհրդարանի «Սախարովի» անվան մրցանակը: Ֆարինյասը երկար ժամանակ հայտարարում էր հացադուլներ` քաղբանտարկյալների ազատարձակման պահանջով, որի արդյունքում վերջիններիցս շատերին էին ազատ արձակում բանտերից: Անցած տարի Ֆարինյասի՝ 4 ամիս տևած հացադուլից հետո կուբայական իշխանություններն ազատ էին արձակել 4 քաղանտարկյալի:
Կուբացի իրավապաշտպանին ձերբակալել են այն ժամանակ, երբ նա պատրաստվում էր մասնակցել մի կնոջ և նրա երեխաներին իրենց տնից դուրս հանելու դեմ բողոքի ակցիային: Նրա հետ ձերբակալել էին նաև 15 ակտիվիստների, որոնք նրա ուսանողներն են և լրագրություն են սովորում Ֆարինյասի մոտ: