Ոչխարի արտահանումը Հայաստանից դեպի Պարսկաստան եւ Արաբական էմիրություններ 1.5 ամիս է, ինչ դադարել էր: Սակայն անցյալ շաբաթ ոչխարների արտահանումը վերսկսվեց: Գուղնախարարության աշխատակազմի անասնաբուծության եւ տոհմային գործի վարչության պետ Աշոտ Հովհաննիսյանից փորձեցինք պարզել, թե որն էր ոչխարի արտահանման սառեցման պատճառը: Պարզվեց, որ Իրանի Իսլամական Հանրապետությունում հիվանդություն էր բռնկվել, հետեւաբար` նրանք ժամանակավորապես կասեցրել էին ոչխարի արտահանումը: Սակայն այսօր արդեն ոչխարի արտահանումը վերսկսվել է: Նաեւ տեղեկացանք, որ փետրվարի 1-ից մինչեւ հոկտեմբերի 25-ը արդեն 75 հազար գլուխ ոչխար է արտահանվել` նախորդ տարվա նույն ժամանակահատվածի 95 հազար գլուխ ոչխարի փոխարեն: «Դե, այդ 1.5 ամիսը մեծ դերակատարում ունեցավ արտահանման ծավալների կրճատման վրա»,-մեկնաբանեց նա: Հիշեցենք, որ ոչխարի արտահանման բիզնեսը Հայաստանում ղեկավարում է Սերժ Սարգսյանի եղբայր Սաշիկ Սարգսյանը:
