Քիչ առաջ ՀՀ ոստիկանության պետ, գեներալ-լեյտենանտ Վլադիմիր Գասպարյանը հրավիրել է օպերատիվ խորհրդակցություն:
Խորհրդակցությունը նվիրված է եղել մայրաքաղաքի Հանրապետության հրապարակում տեղի ունեցած միջադեպին, որից տուժել են միջոցառման մասնակիցներ:
Ոստիկանության պետը համապատասխան ծառայությունների ղեկավարներին հրահանգել է աշխատել ամբողջ գիշեր, ստուգել բոլոր վարկածները, անհապաղ միջոցներ ձեռնարկել միջադեպի համակողմանի և բոլոր ուղղություններով քննության, բոլոր հանգամանքներն ի հայտ բերելու և կատարվածի ամբողջական պատկերը բացահայտելու ուղղությամբ:
Խորհրդակցության ընթացքում տրվել են կոնկրետ հանձնարարականներ և քննարկվել գործողությունների ծրագիրը:
