Կենսաբժշկական հետազոտությունների իսպանական ինստիտուտի գիտնականները պարզել են, որ մի քանի դեղամիջոցների համադրումը կարող է բուժել լյարդի քաղցկեղը:
Մկների վրա կատարած փորձարկումները ցույց են տվել, որ դա լիովին հնարավոր է: Փորձի համար երկու դեղամիջոց է օգտագործվել: Մեկը եղել է իմունային համակարգը ճնշող, մյուսը՝ սպիտակուցները նվազեցնող դեղամիջոց: Դրանց օգտագործման դեպքում նախ քաղցկեղային բջիջիների աճը դանդաղել է, այնուհետև դրանք սկսել են ինքնաոչնչացվել:
Շուտով կսկսվեն նաև մարդկանց վրա կլինիկական փորձարկումները: Եթե արդյունքը դրական լինի, ապա դեղամիջոցների համատեղ օգտագործումը կմտնի բժշկական պրակտիկա:
Լյարդի քաղցկեղը օնկոլոգիական հիվանդության ամենատարածված տեսակներից 5-րդն է, մահվան դեպքերի թվաքանակով 3-րդը: Մեծամասամբ այն կապված է խրոնիկ ալկոհոլիզմի, թունավոր նյութերի ներգործության, հեպատիտ В կամ С-ի հետ: Գիտնականները չեն բացառում, որ այն կարող է լինել նաև ճարպակալման հետևանք:
