Իրանական Mehr News լրատվական գործակալության փոխանցմամբ՝ իրանցի 15-ամյա պատանի Սեյիդ Հուսեյնիի ծնողները որոշել են Էշտեհարդ քաղաքում տեղի ունեցած ավտովթարի ժամանակ զոհված իրենց երեխայի օրգանները հատկացնել հիվանդներին:
Ընդհանուր առմամբ, պատանու օրգանները տրվել են 12 հիվանդների, որոնք օրգանների փոխպատվաստման կարիք են զգում: Ծնողներն այդ դժվար քայլին են գնացել այն բանից հետո, երբ բժիշկները նրանց հայտնել են, որ պատանու ուղեղը մահացել է, և որ նա փրկվելու հնարավորություն չունի: Արդյունքում, պատանու սիրտը, երիկամները, աչքի եղջերաթաղանթները, ոտքի ոսկորները տրվել են 12 հիվանդների:
