Սան Դիեգոյի համալսարանի ուսանող Դենիել Չոնգը ստիպված է եղել մի քանի օր գոյությունը պահպանել սեփական մեզը խմելով: Նրա մասին մոռացել էին թմրանյութերի դեմ պայքարի վարչության բաժանմունքների մեկում:
Չոնգին ձերբակալել էին ապրիլի 21-ին սեփական տներում իրականացված «ռեյդի» արդյունքում: Իրավապահներն այնտեղ հայտնաբերել էին էկստազի տեսակի թմրանյութի 18 հազար հաբ, ինչպես նաև մարիխունա, տարբեր դեղանյութեր, որոնք թույլատրվում են բժշկի դեղատոմսով և մի քանի միավոր զենք: Հարցաքննության ժամանակ ուսանողը խոստովանել է, որ այդ տուն (հավանաբար՝ վարձակալած) էր եկել թմրանյութ օգտագործելու նպատակով:
Պատկան մարմինները մտադիր են Չոնգին ազատ արձակել, սակայն մինչ այդ փորձում են պարզել, թե ինչպես է պատահել, որ Չոնգին մոռացել են 1,5×3 մ բանտախցում փակված: Նա բղավել է, ճչացել, սակայն նրա ձայնը արհամարհանքի է արժանացել:
Նրա մասին հիշել են բանտարկությունից 5 օր անց: Երիտասարդը ի վիճակի չի եղել խոսել, իսկ երիկամները գրեթե չեն գործել: Նրա քաշը 7 կգ-ով նվազել էր, նրա մոտ հալյուցինացիա էր սկսվել: Ուսանողին տեղափոխել են հիվանդանոցի պալատ, որտեղ 3 օր շարունակ ինտենսիվ թերապիա է անցել:
Թմրանյութերի դեմ պայքարի վարչությունը ներողություն է խնդրել նրանից: Չոնգը դիտարկում է վարչության աշխատակիցների դեմ դաշնային դատարան հայց ներկայացնելու հնարավորությունը:
