Զանգվածային խոշոր ծեծկռտուք է տեղի ունեցել Սոչիի կենտրոնական շրջաններից մեկում մի քանի տասնյակ երիտասարդ մարդկանց մասնակցությամբ մայիսի երկուսին: Երիտասարդների միջև ծեծկռտուքն ավարտվել է դանակահարությամբ: Այս մասին տեղեկացնում է Life News կայքը:
Կռվի մասնակիցներից մեկը` թեքվանդոյի 25-ամյա վարպետ Յուրի Գարանյանը, դանակի թափանցող հարվածով տեղափոխվել է Սոչիի թիվ 2 հիվանդանոց:
Ինչպես Life News-ին հայտնել են իրավապահ մարմինների ծառայությունից, չնայած բժիշկների ջանքերին՝ երիտասարդի կյանքը չի հաջողվել փրկել:
Ներկայում իրավապահ մարմինների աշխատակիցները ճշտում են կռվի մասնակիցների իրական թիվը: Նախնական տվյալների համաձայն` ծեծկռտուքին մասնակցել է շուրջ 100 մարդ:
Ճշտվում են կատարվածի հանգամանքները: Քննարկվում է քրեական գործ հարուցելու հարցը:
