Մեծ Բրիտանիայի գովազդի կոմիտեն դարձյալ կքննարկի Apple iPad պլանշետի գովազդում 4G կապի համատեղելիության վերաբերյալ մեջբերումը: Ինչպես հաղորդում է BBC News-ը՝ պատճառը այդ նոր սարքի հասցեին ստացվող բողոքներն են: 4G կապը չի գործում Մեծ Բրիտանիայի տարածքում:
2012 թ. մարտին ASA-ն ստիպել է Apple-ին իր գովազդից հանել այս մեջբերումը: Apple-ը իր կայքի գովազդից հանել է 4G-ին վերաբերող հատվածը և նյութ է ավելացրել iPad-ի և 4G-ի մասին, որտեղ նշվում է, որ այդ կապի տեսակը գործում է միայն ԱՄՆ-ում և Կանադայում: Սակայն դա բավարար չէր և բողոքները շարունակում են ուղարկվել: Բողոքներում պահանջում են ընդհանրապես հանել գովազդի այն մասը, որտեղ ասվում է, որ 4G կապը Մեծ Բրիտանիայում կիրառելի է: Apple ընկերության աղբյուրը հայտնել է BBC News-ին, որ ընկերությունը մտադիր չէ գովազդից հանել 4G կապին վերաբերող հատվածը:
Նշենք, որ, ներկա դրությամբ, Եվրոպայում 4G ֆորմատը չի գործում:
