Գվինեա-Բիսաուի ռազմական խունտան համաձայնել է կատարել Արևմտյան Աֆրիկայի երկրների տնտեսական համագործակցության կոմիտեի (ЭКОВАС) բոլոր պահանջները, բացառությամբ` իշխանությունը երկրի նախագահի ժամանակավոր պաշտոնակատար Ռայմունդու Պերեյրային հանձնելու պահանջը:
Agence France-Presse գործակալության փոխանցմամբ` նման հայտարարությամբ հանդես է եկել ռազմական խունտայի ներկայացուցիչը:
Արևմտյան Աֆրիկայի երկրների տնտեսական համագործակցության կոմիտեն ապրիլի 26-ին Գվինեա-Բիսաուին կոչ էր արել վերականգնել սահմանադրական կարգը և մոտակա 12 ամիսների ընթացքում կազմակերպել ու անց կացնել նախագահական ընտրություններ:
Բացի այդ՝ համագործակցությունը որոշում էր կայացրել զորք ուղարկել Գվինեա-Բիսաու` այդ երկրում քաղաքական ճգնաժամի խաղաղ կարգավորմանը հետևելու համար: Իսկ ավելի ուշ ЭКОВАС-ը պատժամիջոցներ էր սահմանել Գվինեա-Բիսաուի ռազմական խունտայի առաջնորդների դեմ:
Հիշեցնենք, որ Գվինեա-Բիսաուում պետական հեղաշրջումը տեղի է ունեցել ապրիլի 12-ին՝ նախագահական ընտրությունների երկրորդ փուլի նախաշեմին, որը պետք է տեղի ունենար ապրիլի 29-ին:
Զինվորականները հայտարարել են, որ իշխանության չեն ձգտում: Հեղաշրջման պատճառը եղել է բանակի հրամանատարության դժգոհությունն այն առիթով, որ երկրի իշխանությունները և Անգոլան գաղտնի համաձայնագիր են կնքել:
ЭКОВАС-ը ձևավորվել է 1975 թվականին: Ընկերության կազմի մեջ է մտնում 15 արևմտաաֆրիկյան երկիր:
