Հ.Սահակյան. Իմ սիրելի հուշարձանը նարդի խաղացող մարդու արձանն է

ԱԺ պատգամավոր, ՀՀԿ խմբակցության անդամ Հովհաննես Սահակյանը սիրում է, երբ հուշարձանը կենդանի է լինում և «Մեր քաղաքի հուշարձանները» շարքում ներկայացնում իր սիրելի կենդանի հուշարձանները. «Ինձ շատ է դուր գալիս «Տղամարդիկ» ֆիլմի կերպարներով կերտված հուշարձանը, շատ տիպիկ, բնորոշ և կենդանի արձան է»:
Պատգամավորը նաև շատ է սիրում Մոսկովյան պուրակում գտնվող նարդի խաղացող մարդու արձանը. «Նարդի խաղացողի արձանը շատ եմ սիրում, որովհետև ինձ հիշեցնում է հին Երևանյան բակ, որտեղ մարդիկ շապիկներով իջնում և նարդի էին խաղում, շատ ճիշտ արձան է։ Ինձ դուր է գալիս նաև Առնո Բաբաջանյանի արձանը, ճիշտ է նոր ոճ է, սակայն երբ նայում ես նրա վավերագրական կադրերը, հասկանում ես, որ շատ տիպիկ արձան է»։
Հովհաննես Սահկյանն իր ընկերների հետ շատ հաճախ հանդիպում է Արամ Խաչատրյանի արձանի մոտ. «Արամ Խաչատրյանի արձանը մոտ է օպերայի բակին, դրա համար էլ մենք միշտ հավաքվում ենք այդ արձանի մոտ։ Ընկերներով սիրում ենք քայլել. ամռանը քայլում ենք Մարզահամերգային համալիրի տարածքով, որովհետև շատ հաճելի է, իսկ ձմռանը` պայմանավորվում Խաչատրյանի արձանի մոտ։