Ինչպես հաղորդում է РИА-Новости գործակալությունը, Ռուսաստանի վարչապետ Վլադիմիր Պուտինը իր բելգիացի գործընկերոջ հետ հանդիպումից հետո լրագրողներին ասել է, որ նախնական տվյալներով, Չեչենական Հանրապետությունը «Դոմոդեդովոյի» պայթյունի հետ կապ չունի:
Պուտինը նաև ասել է, որ պետք է անհաշտ պայքար մղել ահաբեկչության և ծայրահեղականության դեմ: Նա նշել է, որ ՌԴ իշխանությունները չեն պատրաստվում բանակցել ահաբեկիչների հետ:
«Ցանկացած առողջ հասարակություն վտանգի դեպքում համախմբվում և հակազդում է գրոհայիններին, ծայրահեղականներին և ահաբեկիչներին», ավելացրել է նա:
Հիշեցնենք, որ 2011 թ. հունվարի 24-ին Մոսկվայի «Դոմոդեդովո» օդանավակայանում տեղի է ունեցել ահաբեկչական գործողություն, որի հետևանքով զոհվել է 35 մարդ, ավելի քան 180 մարդ ստացել են տարբեր աստիճանի մարմնական վնասվածքներ: