Ինչպես փոխանցում է ԱՄՆ-ում տեղակայված Akhbar al-Arab կայքը, Եգիպտոսի երկարամյա նախագահ Հոսնի Մուբարաքի որդին և նրա ընտանիքը լքել են երկիրը: Ըստ կայքի, Հոսնի Մուբարաքի որդին` Գամալը, նրա կինը և դուստրը մեկնել են Լոնդոն Կահիրեի արևմուտքում գտնվող մի օդանավակայանից: Դա եղել է երեքշաբթի օրը:
Որքանով է սա համապատասխանում իրականությանը՝ ոչ մի աղբյուր չի հաստատում, սակայն շատ լրատվամիջոցներ տարածում են այս լուրը` հղում անելով Akhbar al-Arab կայքին:
Հիշեցնենք, որ երկու օր է՝ Եգիպտոսում անց են կացվում հակակառավարական ելույթներ, որոնց տարբեր քաղաքներում մասնակցում են տասնյակ հազարավոր եգիպտացիներ:
/Լուսանկարում՝ Գամալ Մուբարաքը՝ ձախից/
