Միասնական շտաբի որոշմամբ` ԱԺ կազմի 1/5-ը կդիմի Սահմանադրական դատարան. այսօր ՀՔՄ գրասենյակում տեղի ունեցող երեք քաղաքական ուժերի միջև հաստատված միասնական շտաբի չորրորդ նիստի ընթացքում տեղեկացրեց ՀՔՄ ղեկավար Հմայակ Հովհաննիսյանը` ասելով, որ միասնական շտաբի որոշումը կայացել է ապրիլի 25-ի փակ նիստում:
Նա նշեց, որ միասնական շտաբի համար առաջինը եղել է ընտրացուցակների խնդիրը, որոնք, ըստ քաղաքագետի, ակնհայտորեն ուռճացված են, իսկ խոսքն այնպիսի թվերի մասին է, որոնք եթե մաքրվեն, ապա ընտրություններն արժեզրկվելու են:
Հմայակ Հովհաննիսյանի խոսքով` նիստում այդ հարցը քննարկվել է ամենայն լրջությամբ, և շտաբը եկել է այն եզրակացության, որ ստեղծված պայմաններում մոտավորապես 400 հազար գոյություն չունեցող ընտրողների մասնակցությունը բացառելու միակ հնարավորությունը ՍԴ դիմելն է:
«Միակ ուղին է, որ ընտրությունների մասնակիցների ցուցակները հրապարակվեն: Մենք գտանք, որ դա հնարավոր է, եթե ԱԺ կազմի 1/5-ը դիմում ներկայացնի Սահմանադրական դատարան, քանի որ շտաբի հիմնադիր չորս կուսակցություններից երեքն ունեն խորհրդարանական խմբակցություններ: Դա հնարավոր է իրականացնել փաստաբան Վահե Գրիգորյանի մասնագիտական օգնությամբ»,- տեղեկացրեց քաղաքագետը` հավելելով, որ այս հարցը հետաձգվել է, քանի որ ՀՀԿ ժխտողական մոտեցման հետևանքով հնարավոր չէր հաղթահարել վարչական պատնեշները: