ՀՀԿ համամասնական ցուցակի 4-րդ հորիզոնականում գտնվող Երևանի քաղաքապետ Տարոն Մարգարյանն անցած տարի քաղաքապետարանից ստացել է 4 մլն 225 հզ. դրամ աշխատավարձ: ԿԸՀ-ից «Առաջին լրատվական»-ին տրամադրված գույքի և եկամուտների հայտարարագրից տեղեկանում ենք, որ նրա բանկային հաշվեհամարներին կա 115 մլն դրամ, 50 հզ. դոլար և 50 հզ. եվրո գումար:
Տ. Մարգարյանը 50 % բաժնեմաս ունի «Զեթ ընդ Զեթ» ՍՊԸ-ում, որը զբաղվում է մարդատար ուղևորափոխադրումներով:
Տ. Մարգարյանին պատկանում են «Մերսեդես S450» մակնիշի 2007 թ. արտադրության, «Ռենջ-Ռովեր» մակնիշի 2006 թ. արտադրության և «Մերսեդես Բենց G500» մակնիշի 2002 թ. արտադրության մեքենաներ:
Տ. Մարգարյանը հայտարարագրել է միանգամից 11 անշարժ գույք. 2 բնակարաններ՝ Ավանում (137.9 քմ) և Թումանյան փողոցի վրա (190.2 քմ), սեփական տուն՝ Ավանում (1578.3 քմ), ամառանոց՝ Ջերմուկում (258.5 քմ), առևտրի կենտրոն՝ Ավանում (մոտ 761 քմ), մոտ 3730 քմ և 44 քմ մակերեսով տարածքներ՝ Ավանում, հողամաս՝ Դիլիջանում (0.6365 քմ) և 3 ավտոտնակներ՝ Ավանում: