Մոսկվայի քաղաքապետարանը և Մոսկվայի շրջանային ղեկավարությունը որոշում են կայացրել հունվարի 26-ը հայտարարել սգո օր: Այս մասին ասվում է երկու մարմինների համատեղ հայտարարության մեջ:
Այդ օրը բոլոր պետական հիմնարկություններում և գերատեսչություններում կիջեցվեն պետական դրոշները:
«Ցավակցություն հայտնելով Մոսկվայի Դոմոդեդովո օդանավակայանում 2011թ. հունվարի 24-ի ահաբեկչական գործողության հետևանքով զոհերի կապակցությամբ` Մոսկվայի մարզի նահանգապետ Բորիս Գրոմովի և Մոսկվայի քաղաքապետ Սերգեյ Սոբյանինի հրամանագրերով Մոսկվայում և Մոսկվայի մարզում հունվարի 26-ը հայտարարված է սգո օր»,- ասված է հայտարարության մեջ:
Այս մասին գրում է Interfax գործակալությունը: