Չինաստանի իշխանությունները պլանավորում են միավորել Չժուցզյան գետի ափին գտնվող 9 խոշոր քաղաքները և դարձնել մեկ մեգապոլիս: Ինչպես գրում է The Daily Telegraph թերթը, նոր քաղաքի բնակչությունը կկազմի 42 մլն մարդ:
Մեգապոլիսի անվանումը դեռևս որոշված չէ: Այն կընդգրկի երկրի 9 արդյունաբերական քաղաքները` Գունչժոուն, Շենչժենը, Ֆոշանը, Դունգուանը, Չժունշանը, Չժուխայը, Ցզյանմենը, Խուէյչժոուն և Չժաոցինը: Քաղաքի ընդհանուր մակերեսը կկազմի 41,5 հազար քառակուսի մետր:
Վեց տարվա ընթացքում այս ծրագիրն իրագործելու համար կկառուցվի տրանսպորտային, ինժեներական և սոցիալական ենթակառուցվածքային ավելի քան 150 օբյեկտ: Կանխատեսվում է, որ քաղաքում գործելու է տրանսպորտային միջոցների վճարման միասնական համակարգ: Բացի այդ, պլանավորվում է կառուցել գերարագ երկաթգիծ, որը կկապի մեգապոլիսը Հոնգկոնգի հետ: Ընդհանուր ներդրումները կկազմեն ավելի քան 300 մլրդ դոլար:
Նախագծի հեղինակների խոսքերով, այս նախագիծը ենթադրում է, որ մյուս քաղաքների ենթակառուցվածքները հասանելի կլինեն մյուս քաղաքների բնակիչների համար: Բացի այդ, այն թույլ կտա հավասարապես բաշխել արդյունաբերական կենտրոններն ու աշխատատեղերը:
