Ինչպես հայտնում է The Times-ը, տրանսատլանտյան չվերթների անվտանգության համակարգում հայտնաբերվել է մեծ «ճեղք»: Ինչպես պարզվել է, մաքսանենգ Սթիվեն Գրինոուն կարողացել է ուղեբեռում ԱՄՆ-ից Մեծ Բրիտանիա տեղեփոխել ավելի քան 80 ատրճանակ:
Նրան առնվազն մեկ անգամ կանգնեցրել են անվտանգության աշխատակիցները, երբ որ հայտնաբերվել է մի քանի միավոր զենք, սակայն նրան հաջողվել է ինչ-որ ձևով համոզել և միանալ Ատլանտա-Մանչեսթեր չվերթին:
Նա այդ ատրճանակները տեղափոխում էր իր հանցագործ ընկերների համար: Հիմա 37-ամյա Գրինոուն, որը նախկինում աշխատել է որպես անվտանգության խորհրդատու, ձերբակալվել է: Նրա ձերբակալությունից հետո ամերիկացի և բրիտանացի պատկան մարմիններն անց են կացրել արտակարգ քննարկում:
Ոստիկանությունն անհանգստացած է նրանով, որ հանցագործներին հաջողվում է զենք հայթայթել: Դրան ի հավելում, հետախուզությունը նախազգուշացնում է, որ Ալ-Ղաիդայի բրիտանական մասնաճյուղերը ցանկանում են զենք հայթայթել և հարձակում իրականցնել «մումբայական» ձևով (մասշտաբային ահաբեկչական հարձակում Մումբայում 2009թ.-ի նոյեմբերին):
Գրինոուն քանդում էր ատրճանակներն ըստ մասնիկների, դասավորում տարբեր ճամպրուկների մեջ և ուղարկում ըստ հասցեատերերի:
