Ամերիկացի զինվորականների անվան հետ կապված հերթական միջադեպն է տեղի ունեցել, այս անգամ` Բրազիլիայում: Ինչպես հաղորդում է «Ազատություն» ռադիոկայանը, միջադեպի ժամանակ ամերիկացի զինվորականները մարմնական վնասվածքներ են հասցրել բրազիլուհի մարմնավաճառին: ԱՄՆ պաշտպանության նախարար Լեոն Պանետան հայտարարել է, որ այդ միջադեպից հետո ծովային հետևակայինները պատժվել են:
Հայտնի է դարձել, որ հերթական սեքս-սկանդալի մասնակիցներն ամերիկյան դեսպանատան պահակային ծառայության ներկայացուցիչներ են: Նրանք մեքենայից դուրս են հրել մարմնավաճառ կնոջը, որը դրա արդյունքում կոտրվածքներ է ստացել:
Հիշեցնենք, որ մարմնավաճառների հետ կոնֆլիկտը սկանդալի պատճառ էր դարձել նաև Կոլումբիայում, որին ներգրավված են եղել այդ երկիր ժամանած ԱՄՆ նախագահի անվտանգության ծառայության անդամները: