ԱՄՆ նախագահ Բարաք Օբաման սահմանել է համաշխարհային ռեկորդ՝ որպես ամենաշատ հեռուստահաղորդումների մասնակցած պետության ղեկավար: Այդ մասին հաղորդում է The Washington Free Beacon-ը:
Պարբերականի տվյալներով՝ Օբամա զույգը հեռուստահաղորդումներում և ֆիլմերում հայտնվել է ընդհանուր առմամբ 195 անգամ, սկսած 2004 թ. հասարակական ակտիվությունից: Դրա հետ մեկտեղ պարբերականը հաշվի է առել Օբամա զույգի հայտնվելը հեռուստահաղորդումների ժամանակ, ինչպես միասին, այնպես էլ առանձին:
Օբամա զույգն ավելի հաճախ է երևացել հեռուստատեսությամբ, երբ տեղափոխվել է Սպիտակ տուն: Բարաք Օբամայի հեռուստատեսային ակտիվությունն աճել է հերթական նախընտրական քարոզարշավի հետ կապված:
Այսպես Օբամաների ընտանիքն իր ռեկորդով անցել է Ռոնալդ և Նենսի Ռեյգանների ռեկորդը: Վերջիններս 175-ից 99 անգամ հայտնվել են ֆիլմերում, որովհետև երկուսն էլ նախկինում հոլիվուդյան դերասաններ են եղել:
Երրորդ տեղը զբաղեցնում են Բիլ և Հիլարի Քլինթոնները: