ԱՄՆ-ի պաշտպանության նախարարությունը ստեղծում է նոր հետախուզական ծառայություն, որը կենտրոնանալու է ռազմական հակամարտություններից դուրս տեղեկատվության հավաքման վրա: Այս մասին հաղորդում է Associated Press գործակալությունը՝ հղում անելով նախարարությունում բարձրաստիճան պաշտոնյայի: Համաձայն գործակալության տվյալների՝ Լեոն Պանետան հաստատել է գաղտնի ծառայության ստեղծման ծրագիրը ապրիլի 20-ին:
Ինչպես ասվում է The Washington Post-ի հրապարակման մեջ՝ նոր հետախուզական ծառայությունը տվյալներ է հավաքելու հատակապես Իրանի մասին: AP-ը նշում է, որ գաղտնի ծառայության գործառույթներից մեկն է լինելու նաև Չինաստանի վերաբերյալ տեղեկություններ հավաքելը:
Մինչ այժմ ԱՄՆ-ի ռազմական հետախուզությունը կենտրոնացած է եղել բախումների շրջանից տեղեկություններ հավաքելու վրա: Սակայն 2011 թ. կատարած հետազոտությունը ցույց է տվել, որ Պետնագոնը պետք է տեղեկություններ հավաքի նաև ԱՄՆ-ի համար էական նշանակություն ունեցող երկրների մասին: Բացի այդ, պարզ էր դարձել, որ Պենտագոնի ներկա վիճակով դժվար է կարիերա անել, այդ պատճառով արժեքավոր աշխատակիցները տեղափոխվում եմ ԿՀՎ, կամ էլ փոխում են մասնագիտացումը հենց բուն պաշտպանության բնագավառում:
