Հասարակական պարեկ Ջորջ Ցիմերմանը, որը կրակել էր սևամորթ դեռահաս Թրեյվոն Մարտինի վրա, հրաժարվել է ընդունել իր մեղքը երկրորդ աստիճանի սպանության հարցում: Այս մասին ապրիլի 23-ին հայտարարել է Agence France-Presse գործակալությունը:
Ինչպես նշված է դատական փաստաթղթերում, Ցիմերմանի անունից դատարան համապատասխան փաստաթուղթ են ներկայացրել նրա փաստաբանները: Օրենսդրության համաձայն` ներկայումս պարեկը կարող է բաց թողնել մայիսի 8-ին կայանալքի դատական նիստը, որի ժամանակ կարդացվելու է մեղադրական տեքստը:
Դատարանը մեղքը չընդունելու մասին հայտարարությունն ստացել է Ցիմերմանի` 150 հազար դոլար գրավի դիմաց ազատ արձակվելուց մի քանի ժամ անց:
Ինչպես նշում է AFP-ն, նա, ամենայն հավանականությամբ, կլքի Ֆլորիդան և չի ներկայանա հանրությանը իր հասցեին նախկինում ուղղված սպառնալիքների պատճառով:
Հիշեցնենք, որ Ֆլորիդայից 28-ամյա հասարակական պարեկը կրակել էր 17-ամյա սևամորթ պատանու վրա, որի հագին եղել էր հաստ բլուզ՝ կնգուղով: Նրա տեսքը կասկածելի էր թվացել պարեկին, որը զանգել էր 911 ու հաղորդել իր կասկածների մասին: Նրանց միջև կռիվ էր ծագել, ինչի հետևանքով սևամորթը սպանվել էր: Մեղադրյալը պնդում է, որ գործել է՝ ինքնապաշտպանությունից ելնելով:
Ապրիլի 12-ին նրան ներկայացվել է սպանության մեղադրանք:
