Մայիսի 20-21-ը Չիկագոյում կայանալիք Դաշինքի գագաթնաժողովի ընթացքում ԱՄՆ-ը չի նախապատրաստում Ռուսաստան-ՆԱՏՕ խորհրդի նիստ: Այս մասին հայտարարել է ԱՄՆ պետքարտուղարության պաշտոնական ներկայացուցիչ Վիկտորյա Նյուլանդը:
«Ռուսաստան-ՆԱՏՕ խորհրդի նիստ չի լինելու»,- ասել է Նյուլանդը երեկ կայացած ճեպազրույցի ժամանակ: Այս մասին հաղորդում է RIA-Novosti գործակալությունը:
Ավելի վաղ թե՛ Ռուսաստանը և թե՛ ԱՄՆ-ը հայտարարել էին, որ նման նիստի նպատակահարմարությունը բացակայում է, քանի որ կողմերին չի հաջողվել համաձայնության գալ առանցքային մի շարք հարցերի շուրջ: Այս պահին բաց է մնում նաև այն հարցը, թե ինչ մակարդակի մասնակցություն է ունենալու Ռուսաստանը ՆԱՏՕ-ի գագաթնաժողովում:
ՆԱՏՕ-ի պետքարտուղար Անդերս Ֆոգ Ռասմուսենն ասել է, որ իր կազմակերպությունը հրավիրել է Ռուսաստանին՝ մասնակցելու գագաթնաժողովի՝ Աֆղանստանի հարցով նիստին:
Լավրովն ավելի վաղ հայտնել էր, որ իր երկիրը դեռ որոշում չի կայացրել գագաթնաժողովին մասնակցելու աստիճանի և ձևի վերաբերյալ: