«Մեր համայնքի մեծամասնությունը հանրապետական կուսակցության կողքին է, բայց մենք լավ հարաբերություններ ունենք նաև ԲՀԿ-ի, ՀՅԴ-ի, ՕԵԿ-ի հետ»,- «Առաջին լրատվական»-ի հետ զրույցում ասաց Հայաստանի հրեական համայնքի նախագահ Ռիմա Վարժապետյանը:
Նրա կարծիքով՝ ՀՀԿ-ն ապահովում է անվտանգություն, իրենց օգնում են մշակութային և այլ հարցերով, բացի այդ՝ ունեն նաև դրական վերաբերմունք կուսակցության անդամների հանդեպ, քանի որ բոլորն էլ կրթված մարդիկ են։ «Հաճելի է տեսնել, որ քո երկրի ղեկավարը և բարձրաստիճան այրերը ունեն բարձր մակարդակ և ինտելեկտ»,- նշեց տիլին Վարժապետյանը:
Նա նաև հավելեց, որ գաղտնի քվեարկության պարագայում ինքը չի կարող ասել, թե ում կքվեարկի, որովհետև չի ուզում խախտել մարդու իրավունքները, սակայն ևս մեկ անգամ շեշտեց, որ համայնքի մեծամասնությունը վստահում է ՀՀԿ-ին: