ՀՀԿ խմբակցության պատգամավոր Տիգրան Արզաքանցյանն իր աշխատանքները փաստացի ավարտած 4-րդ գումարման ԱԺ-ում բավականին ակտիվ գործունեություն է ծավալել՝ ներգրավված լինելով 3 մշտական հանձնաժողովներում՝ 2007-2008-ը՝ առողջապահության, մայրության և մանկության, 2008-2009-ը՝ սոցիալական, և 2009-2012–ը՝ տնտեսական հարցերի։ Սակայն, ըստ parliamentmonitoring.am կայքի տվյալների, Արզաքանցյանն ԱԺ ընդհանուր 527 նիստերից 479-ին (91 %) չի մասնակցել, 5 տարում ոչ մի հարց չի տվել, ոչ մի ելույթ չի ունեցել, քվեարկել է կողմ 29 (5 %), դեմ 0 (0 %) և չի քվեարկել 20 (4 %) օրինագծերի համար, իսկ 1-ի (0 %) դեպքում որոշել է ձեռնպահ մնալ:
Հիշեցնենք, որ կանոնակարգ-օրենքի համաձայն՝ ԱԺ նստաշրջանի կեսից ավելին բացակայած պատգամավորը կարող է զրկվել մանդատից, եթե բացակայությունը հարգելի չէ:
Տիգրան Արզաքանցյանը մտադրվել էր մայիսի 6-ի ընտրություններում առաջադրվել թիվ 22 ընտրատարածքում, սակայն ՀՀԿ-ն որոշեց, որ աջակցելու է ոչ թե նրան, այլ՝ Մանվել Բադեյանին։ Կուսակցության հովանավորչությունից զրկվելով՝ Արզաքանցյանն ընդհանրապես հրաժարվեց պատգամավորի մանդատին հավակնելուց: