iDitord.am ընտրություններին ընդառաջ ահազանգերի քարտեզում քաղաքացիները շարունակում են ահազանգել ընտրակաշառքների և այլ խախտումների մասին։
Կայքում հրապարակումներից մեկի համաձայն` սպաներին հանձնարարվել է, որպեսզի յուրաքանչյուրն իր բնակավայրում ձայների հավաքագրմամբ զբաղվի: Որոշ մարզերում սպաներն արդեն գործի են անցել: «Առաջին հերթին, բնականաբար, հավաքագրվում են այն ընտանիքները, ովքեր զինծառայողներ ունեն: Սպաները զինծառայողների ծնողներին հորդորում են, որպեսզի յուրաքանչյուրն առնվազն 5-6 մարդ բերի, ովքեր ընտրություններին կքվեարկեն ՀՀԿ–ի օգտին»,- նշված է հրապարակման մեջ:
Շարունակվում են նաև տնետուն այցերը՝ պարզելու համար, թե ընտանիքներն ում օգտին են քվեարկելու: Քաղաքացիներն անհանգստություն են հայտնում, որ առանց փաստաթղթերի և վկայականների երիտասարդներ, ովքեր նախ ասում են, որ ընտրատեղամասից են, այնուհետև` թաղապետարանից, փորձում են ճշտել, թե քանի հոգի է քվեարկելու մի բնակարանից:
Ընտրակաշառքի դեպքի մասին բնակիչները պատմում են, որ ՀՀԿ-ն 16-րդ թաղամասի 3-րդ «ցեպոչկայում» ընտրակաշառք է բաժանում:
