Պերուի կառավարությունը երկուշաբթի օրը Պաղեստինի ինքնավարությունը ճանաչել է որպես անկախ պետություն: Այս մասին հայտնում է France Presse գործակալությունը` հղում անելով լատինաամերիկյան պետության ԱԳՆ-ին:
Պերուն դարձավ Պաղեստինը ճանաչած 6-րդ լատինաամերիկյան պետությունը Չիլիից, Արգետինայից, Բոլիվիայից, Էկվադորից և Բրազիլիայից հետո:
«Կառավարությունն այսօր Լիմայում Պաղեստինի դեսպանին է հայտնել, որ ճանաչում է այդ երկիրը որպես անկախ և ինքնավար»,- լրատվամիջոցներին հայտնել է Պերուի արտաքին գործերի նախարար Խոսե Անտոնիո Գարսիա Բելաունդան։
Իր ելույթում, սակայն, նա չի նշել՝ ճանաչո՞ւմ են արդյոք 1967 թ. սահմանները, թե՞ ոչ: